എറണാകുളം: മലയാറ്റൂരിലെ മുണ്ടങ്ങമറ്റത്ത് പെണ്കുട്ടിയെ മരിച്ചനിലയില് കണ്ടെത്തി. മുണ്ടങ്ങമറ്റം സ്വദേശി ചിത്രപ്രിയ(19)യാണ് മരിച്ചത്. കഴിഞ്ഞ ശനിയാഴ്ച മുതല് കുട്ടിയെ കാണാനില്ലായിരുന്നു. സംഭവത്തില് പെണ്കുട്ടിയുടെ ആണ് സുഹൃത്തിനെ പൊലീസ് ചോദ്യം ചെയ്തു. വീടിന് ഒരു കിലോമീറ്റര് അകലെ ഒഴിഞ്ഞ പറമ്പിലാണ് കുട്ടിയെ മരിച്ച നിലയില് കണ്ടെത്തിയത്.
തുരുത്തിപ്പറമ്പിലെ ഷൈജുവിന്റെയും ഷിനിയുടെയും മകളാണ് ചിത്രപ്രിയ. ആത്മഹത്യയാണോ കൊലപാതകമാണോയെന്ന് അന്വേഷണം നടന്നുവരികയാണെന്നും പോസ്റ്റ്മോര്ട്ടം റിപ്പോര്ട്ട് ലഭിച്ചാലേ മരണകാരണം വ്യക്തമാകുകയുള്ളൂവെന്നും പൊലീസ് അറിയിച്ചു. ബെംഗളൂരുവിലെ ഏവിയേഷന് ബിരുദ വിദ്യാര്ഥിയായ ചിത്രപ്രിയയെ ശനിയാഴ്ച മുതലാണ് കാണാതായത്.
ഇതേതുടര്ന്ന് കാലടി പൊലീസില് വീട്ടുകാര് പരാതി നല്കിയിരുന്നു. അന്വേഷണത്തിലാണ് ഇന്ന് മൃതദേഹം കണ്ടെത്തിയത്. പെണ്കുട്ടിയുടെ മൊബൈല് ഫോണ് പൊലീസ് പരിശോധിക്കും. ആണ്സുഹൃത്തിനെ ചോദ്യം ചെയ്തുവരികയാണെന്ന് പൊലീസ് വ്യക്തമാക്കി.
പെൺകുട്ടികളുടെ ശരീരത്തിൽ മുറിവുകളും തലയിൽ കല്ലുപയോഗിച്ച് ഇടിച്ച പാടുകളുമുണ്ട്. കൊലപാതകമാണെന്നാണ് പ്രാഥമിക നിഗമനം.
0 Comments