റെഗുലേറ്റർ കം ബ്രിഡ്ജ് ഭരണാനുമതി ലഭിച്ചു.

കൂടരഞ്ഞി : പഞ്ചായത്തിലെ പൂവാറൻതോട് ആനക്കല്ലംപാറ റെഗുലേറ്റർ കം ബ്രിഡ്ജിന് പുനരുദ്ധാരണ പ്രവർത്തികൾക്ക് 30 ലക്ഷം രൂപയുടെ ഭരണാനുമതി ലഭിച്ചതായി തിരുവമ്പാടി നിയോജക മണ്ഡലം എംഎൽഎ ലിൻ്റോ ജോസഫ് അറിയിച്ചു 1995 ൽ പണി ആരംഭിച്ച് 1998 ൽ ഉദ്ഘാടനം ചെയ്ത റഗുലേറ്റർ കം ബ്രിഡ്ജിൽ വെള്ളം കെട്ടിനിർത്തി ജലസേചനം നടത്തുവാനും രണ്ട് പ്രദേശങ്ങളിലെ ജനങ്ങൾക്ക് വാഹന ഗതാഗതം നടത്തുവാനും 40 മീറ്ററോളം നിളമുള്ള ഈബ്രിഡ്ജിലൂടെ സാധിക്കും. 

ആനക്കല്ലംപാറ പൊയിലിങ്ങാ പുഴക്ക് കുറുകേയാണ് മനോഹരമായ ഈ റഗുലേറ്റർ കം ബ്രിഡ്ജ് ജലസേചന വകുപ്പ് നിർമ്മിച്ചിരിക്കുന്നത് ബ്രിഡ്ജിൽ നിൽക്കുമ്പോൾ ലഭിക്കുന്ന തണുത്ത കാറ്റും വെള്ളച്ചാട്ടത്തിൻ്റെ ദൃശ്യങ്ങളും ആസ്വദിക്കുവാൻ നൂറ് കണക്കിന് ടൂറിസ്റ്റ്കളാണ് ഇവിടെ ദിവസവും എത്തുന്നത്.