അമേരിക്കയുടെ അദൃശ്യ വിമാനം.

യുഎസ് എ : ലോകാവസാനം വന്നാലും തകർക്കാൻ കഴിയാത്ത, ആകാശത്ത് ഒരു കോട്ട പോലെ പറക്കുന്ന അമേരിക്കയുടെ അതിരഹസ്യ വിമാനമാണ് 'ഡൂംസ്ഡേ പ്ലെയിൻ' (𝗗𝗢𝗢𝗠𝗦𝗗𝗔𝗬 𝗣𝗟𝗔𝗡𝗘) അഥവാ ബോയിംഗ് 𝗘-𝟰𝗕 നൈറ്റ്വാച്ച്. ഭൂമിയിൽ ഒരു ആണവയുദ്ധം ഉണ്ടാകുകയോ ലോകം മുഴുവൻ തകർന്നടിയുകയോ ചെയ്താൽ അമേരിക്കൻ പ്രസിഡന്റിനും ഉന്നത സൈനിക ഉദ്യോഗസ്ഥർക്കും സുരക്ഷിതമായി ഇരുന്ന് രാജ്യം ഭരിക്കാൻ വേണ്ടി നിർമ്മിച്ചതുകൊണ്ട് ഇതിനെ 'പറക്കുന്ന പെന്റഗൺ' എന്നും വിളിക്കാറുണ്ട്. 

ഇതിന്റെ ഏറ്റവും വലിയ പ്രത്യേകത എന്താണെന്നാൽ, ആവശ്യമെങ്കിൽ ആഴ്ചകളോളം താഴെ ഇറങ്ങാതെ ആകാശത്ത് തന്നെ തുടരാൻ ഇതിന് കഴിയും എന്നതാണ്. ഇതിനായി വിമാനം പറന്നുകൊണ്ടിരിക്കുമ്പോൾ തന്നെ ആകാശത്തുവെച്ച് മറ്റ് വിമാനങ്ങൾ വഴി ഇതിലേക്ക് ഇന്ധനം നിറയ്ക്കാൻ (𝗠𝗜𝗗-𝗔𝗜𝗥 𝗥𝗘𝗙𝗨𝗘𝗟𝗜𝗡𝗚) സാധിക്കും. 

അത്യാധുനിക സാങ്കേതികവിദ്യകൾ ഉള്ള ഈ കാലത്തും വളരെ പഴയ അനലോഗ് ഉപകരണങ്ങളാണ് ഇതിൽ കൂടുതലായും ഉപയോഗിച്ചിരിക്കുന്നത്, കാരണം ഒരു ആണവ സ്ഫോടനം ഉണ്ടാകുമ്പോഴുണ്ടാകുന്ന ഇലക്ട്രോമാഗ്നെറ്റിക് പൾസുകളെ (𝗘𝗠𝗣) ചെറുക്കാനും സിസ്റ്റം തകരാറിലാകാതിരിക്കാനും ഇത് സഹായിക്കും. 

ആണവ സ്ഫോടനത്തിന്റെ കൊടും ചൂടിനെയും റേഡിയേഷനെയും പ്രതിരോധിക്കാൻ കഴിയുന്ന പ്രത്യേകതരം കവചം കൊണ്ടാണ് ഇതിന്റെ പുറംഭാഗം നിർമ്മിച്ചിരിക്കുന്നത്. ലോകത്തിലെ എല്ലാ ആശയവിനിമയ സംവിധാനങ്ങളും തകർന്നാലും, അഞ്ചര മൈൽ നീളമുള്ള ഒരു പ്രത്യേക ആന്റിന വഴി ലോകത്തിന്റെ ഏത് കോണിലുള്ള അന്തർവാഹിനികളുമായും സൈനിക കേന്ദ്രങ്ങളുമായും ബന്ധപ്പെടാൻ ഈ വിമാനത്തിന് കഴിയും. 

അമേരിക്കയിൽ എപ്പോഴും ഏത് നിമിഷവും പറന്നുയരാൻ തയ്യാറായി ഈ വിമാനത്തിന്റെ എഞ്ചിനുകൾ 𝟮𝟰 മണിക്കൂറും പ്രവർത്തിച്ചുകൊണ്ടിരിക്കുകയാണ് എന്ന് പറഞ്ഞാൽ ഒരുപക്ഷേ വിശ്വസിക്കാൻ ബുദ്ധിമുട്ടായിരിക്കും. ഹോളിവുഡ് സിനിമകളെ വെല്ലുന്ന അമേരിക്കയുടെ ഈ സർവ്വനാശ വിമാനം ശാസ്ത്രലോകത്തെയും ശത്രുരാജ്യങ്ങളെയും ഒരുപോലെ അത്ഭുതപ്പെടുത്തുകയും ഭയപ്പെടുത്തുകയും ചെയ്യുന്ന ഒന്നാണ്..