കൂടരഞ്ഞി : അപകടങ്ങളും അത്യാഹിത സാഹചര്യങ്ങളും ഉണ്ടാകുമ്പോൾ മെഡിക്കൽ സാഹചര്യങ്ങൾ അറിഞ്ഞു പ്രവർത്തിക്കുന്ന എമർജൻസി ഫസ്റ്റ് റസ്പോണ്ടർമാർക്കുള്ള തുടർ പരിശീലന പരിപാടി 'ലൈഫ് ലൈനർ' കൂടരഞ്ഞി സിഗ്നേച്ചർ സ്പോർട്സ് ക്ലബ്ബിന്റെ നേതൃത്വത്തിൽ കോഴിക്കോട് ബേബി മെമ്മോറിയൽ ഹോസ്പിറ്റലും കൂടരഞ്ഞി ഗ്രാമപഞ്ചായത്തും സംയുക്തമായി ആരംഭിച്ചു.
ലൈഫ്ലൈനർ സംരംഭത്തിന്റെ ഭാഗമായി കൂടരഞ്ഞിയിലെ ആശാ വർക്കർമാർ, കുടുംബശ്രീ പ്രവർത്തകർ, തൊഴിലുറപ്പ് പദ്ധതിയിലെ തൊഴിലാളികൾ, വ്യാപാരി വ്യവസായികൾ, ഡ്രൈവർമാർ തുടങ്ങി നാനാ മേഖലയിൽ പ്രവർത്തിക്കുന്ന ആളുകൾക്ക് ബേബി മെമ്മോറിയൽ ഹോസ്പിറ്റൽ എമർജൻസി ഫസ്ററ് റെസ്പോണ്ടർ ട്രെയിനിംഗ് സംഘടിപ്പിച്ചു.
പരിശീലനം സിദ്ധിച്ചവരുടെ സംഘങ്ങൾ പഞ്ചായത്തിന്റെ എല്ലാ ഭാഗത്തും സജ്ജമാക്കുകയാണ് പദ്ധതിയുടെ ലക്ഷ്യം. മെഡിക്കൽ പ്രൊഫഷണലുകൾ ഏറ്റെടുക്കുന്നതിന് മുമ്പുള്ള പ്രധാനപ്പെട്ട മണിക്കൂറിൽ ജീവൻരക്ഷാ സഹായം നൽകാൻ പ്രാപ്തരായ ടീമിനെ പരിശീലനം നൽകി ഒരുക്കലാണ് പദ്ധതി. പരിശീലനം ലഭിച്ചവർക്ക് സർട്ടിഫിക്കറ്റുകളും വിതരണം ചെയ്തു.
ചടങ്ങിൽ കൂടരഞ്ഞിയിലെ ആംബുലൻസ് ഡ്രൈവർമാരെ ആദരിച്ചു.
കൂടരഞ്ഞി കമ്മ്യൂണിറ്റി ഹാളിൽ നടന്ന പരിശീലന പരിപാടി പഞ്ചായത്ത്‌ പ്രസിഡന്റ്‌ ശ്രീ ആദർശ് ജോസഫ് ഉദ്ഘാടനം ചെയ്തു. സിഗ്നേച്ചർ ക്ലബ്‌ പ്രസിഡന്റ്‌ സിജോ മച്ചുകുഴിയിൽ അധ്യക്ഷത വഹിച്ച ചടങ്ങിൽ പഞ്ചായത്ത്‌ വൈസ് പ്രസിഡണ്ട്‌ ശ്രീമതി മേരി തങ്കച്ചൻ, വാർഡ് മെമ്പർമാരായ ബാബു മൂട്ടോളി, സീന ബിജു, റോസിലി ടീച്ചർ, കൂടരഞ്ഞി ഫാമിലി ഹെൽത്ത്‌ സെന്റർ മെഡിക്കൽ ഓഫീസർ Dr. ദിവ്യ PK., ഹെൽത്ത്‌ ഇൻസ്‌പെക്ടർ രാജീവൻ എന്നിവർ സംസാരിച്ചു.
0 Comments