മുഖ്യമന്ത്രി- മോഹൻലാൽ അഭിമുഖം; ചെലവായത് 11 ലക്ഷത്തിലേറെയെന്ന് കണക്ക്; ഉപയോഗിച്ചത് സർക്കാർ ഫണ്ടെന്ന് റിപ്പോർട്ട്.

തിരുവനന്തപുരം : മുഖ്യമന്ത്രി മോഹൻലാൽ അഭിമുഖത്തിനായി ലക്ഷങ്ങൾ ചെലവായതായി റിപ്പോർട്ട്. 11,21,000 ലക്ഷം രൂപയാണ് ഇതിന് ചെലവ് വന്നിരിക്കുന്നത്. സർക്കാർ ഖജനാവിൽ നിന്നാണ് ഈ പണം ചെലവിട്ടതെന്നാണ് റിപ്പോർട്ട് വ്യക്തമാക്കുന്നത്.

വിവരാവകാശ നിയമപ്രകാരം നൽകിയ അപേക്ഷയിലാണ് സർക്കാർ വിവരം നൽകിയത്. 

എന്നാൽ സർക്കാർ സംവിധാനം ഇതിനായി ഉപയോഗിച്ചിട്ടില്ലെന്നും മറുപടിയിലുണ്ട്.

ഇരുവർ എന്ന പേരിലാണ് മുഖ്യമന്ത്രി പിണറായി വിജയനും മോഹൻലാലും തമ്മിൽ അഭിമുഖം നടത്തിയത്. തെരഞ്ഞെടുപ്പ് പ്രചാരണത്തിൻ്റെ ഭാഗമായാണ് മോഹൻലാൽ ക്ലിഫ് ഹൗസിൽ വെച്ച് മുഖ്യമന്ത്രിയുടെ അഭിമുഖം നടത്തിയത്. അഭിമുഖം നടത്തിയതിന് മോഹൻലാൽ പ്രതിഫലമൊന്നും വാങ്ങിയിട്ടില്ലെന്നാണ് ലഭിക്കുന്ന വിവരം.