ഓപ്പറേഷൻ തൂഫാന് ഐക്യദാർഢ്യം പ്രഖ്യാപിച്ച് ഒയിസ്ക ഇന്റർനാഷണൽ.

കൂടരഞ്ഞി : സംസ്ഥാന സർക്കാർ നടപ്പിലാക്കുന്ന ഓപ്പറേഷൻ തൂഫാന് ഐക്യദാർഢ്യം പ്രഖ്യാപിച്ച് ഒയിസ്ക ഇന്റർനാഷണൽ കൂടരഞ്ഞി ചാപ്റ്ററിന്റെ നേതൃത്വത്തിൽ സ്വാതന്ത്ര്യദിനത്തിൽ കൂടരഞ്ഞി പഞ്ചായത്തിലൂടെ ബൈക്ക് റാലി സംഘടിപ്പിച്ചു. കൂടരഞ്ഞി ഗ്രാമപഞ്ചായത്ത് വൈസ് പ്രസിഡന്റ് ജോർജ്കുട്ടി കക്കാടംപൊയിൽ റാലി ഫ്ലാഗ് ഓഫ് ചെയ്തു.

വാർഡ് മെമ്പർമാരായ സജയ് എം.കെ., വിനോദ് മഞ്ഞപ്പാറ, ഒയിസ്ക പ്രസിഡന്റ് സജി നീറംപുഴ, അജു പ്ലാക്കാട്ട്, അജിലേഷ് മാവറ, ബേബി പുറവക്കാട്ട് തുടങ്ങിയവർ പങ്കെടുത്തു.

വിവിധ സ്വീകരണ കേന്ദ്രങ്ങളിൽ ജോസ് കുഴുമ്പിൽ, വിൻസ് വിലങ്ങുപ്പാറ, ജോഷി ആലുങ്കൽ, ജോയ്സ് പെണ്ണാപറമ്പിൽ, ബിജു പുളിക്കകണ്ടത്തിൽ, ഷൈജു കൊയ്നിലം, ഷിന്റോ ചുരുളിൽ, ജയ്സൺ മംഗര, സജി പെണ്ണാപറമ്പിൽ, ബിജു മറ്റം എന്നിവർ സന്ദേശങ്ങൾ നൽകി. ഒയിസ്ക സെക്രട്ടറി അനൂപ് മണിമല പരിപാടിക്ക് നന്ദി പറഞ്ഞു.